Ademais de estudante de xornalismo son graduado en Comunicación Audiovisual pola Universidade de Santiago de Compostela. Nacín na emigración, en Suíza, pero xa desde cativo me criei en Tebra, a terra de miña nai. O meu cariño por este lugar, o audiovisual e as boas historias foron os ingredientes que me animaron a levar a cabo este proxecto. Agardo que sirva para achegar a máxica historia deste val a quen aínda non a coñece, especialmente ás xeracións que xa non compartimos contos ao pé da lareira.